صدقے کے بکروں اور تلور کی قربانیوں کے باوجود حکومت کا جو رونا دھونا چل رہا ہے اس سے لگتا ہے مدت نہیں بلکہ عدت پوری ہوری ہے ، ابرار کیانی

پیرس(ایس ایم حسنین) پاکستان تحریک انصاف فرانس کے مرکزی راہنما ابرا ر کیانی نے اپنے بیان میں کہا ہے کہ کہتے ہیں کہ شمع کی لو جب بجھنے کے قریب ہوتی ہی تو اس کا شعلہ نہایت شدت سے بھڑکتا ہے، ایسے ہی جیسے جیسے کرپشن کیسز پر فیصلے کی گھڑی قریب آرہی ہے حکومت اور وزرائ کی بے چینی بڑھتی جا رہیہے اور ملک بھر میں جس طرح صدقے کے بکروں کی قربانی کے سر پر حکومت کو بچانے کاپروگرام بنایا گیا ہے لگتا ہےتلور کی طرح صدقے کے بکرے بھی ناپید ہو جائیں گے ۔

حکومت کو صدقے کے بکروں کے باوجود چین نہیں آرہا بلکہ وزرائ کے رونے دھونے سے لوگ اب تنگ آچکے ہیں عوام کے ساتھ ساتھ معزز عدلیہ بھی رونے دھونےکا نوٹس لے چکی ہے اور متعدد بار تنبیہ بھی کی جاچکی ہے مگر ثبوت دینے کے بجائے حکومتی ارکان رونے دھونے پر فوکس کیے ہوئے ہیں جیسے کوئی فوتیدگی ہوئی ہو اور اب عدت پوری کی جارہی ہو۔ اس طرح مہذب ملکوں میں حکومتیں نہیں چلائی جاتیں وزیر اعظم کو چاہیے تھا کہ ڈیوڈ کیمروں کی طرح اپنی صفائی میں کچھ کہتے اور پھر استعفیٰ دے کر احتساب کاسامنا کرتے  اس کے بجائے انہوں نے قومی اداروں کو اپنا ہمنوا بنا کر تاریخ کی سب سے بڑی غلطی کی اور کرپشبن کی ایک نئی داستان چھوڑ کر بالآخر اس کرپشن کے دریا میں غرق ہو جائیں گے۔