مانسہرہ (ویب ڈیسک) جمعیت علماء اسلام (ف) کے سربراہ مولانا فضل الرحمٰن نے عمران خان کو جعلی،نقلی، خلائی نصب شدہ وزیراعظم قرار دیدیا اور کہاکہ اپوزیشن کو نہیں عوام کو متحد کرنے میں دلچسپی ہے، کیونکہ عوام کی طاقت اپوزیشن لی طاقت سے بہت بڑی ہے۔ عوام میرے ساتھ ہے۔

مانسہرہ میں جلسہ عام سے خطاب میں مولانا فضل الرحمٰن نے کہا کہ ہمارے وزیراعظم جہاں جاتے ہیں بونگی مارتے ہیں۔انہوں نے کہا کہ ہمارے وزیراعظم کہتے ہیں زبان پھسل گئی،کس کس زبان کو پھسلنے سے روئیں گے؟ کہاں کہاں ان کی غلطی پکڑیں؟ یہ کیوں نہیں کہتے ہیں کہ جاہل ہیں۔جے یو آئی سربراہ نے مزید کہا کہ ہم وطن عزیز کی نظریاتی اساس کے امین ہیں،اس حکومت کو وقت دینادھاندلی زدہ الیکشن کو تسلیم کرنے کے مترادف ہوگا۔ان کا یہ بھی کہنا تھا کہ ن لیگ اور پی پی قیادت سے شکوہ کرتا ہوں، کیا مطلب حکومت کو وقت دینا چاہیے؟ اس مطلب تو یہ ہوا کہ ن لیگ اور پی پی نے جعلی انتخابات قبول کرلئے۔مولانا فضل الرحمٰن نے کہا کہ میری دلچسپی اپوزیشن جماعتوں کو متحدکرنے میں نہیں بلکہ عوام کو متحدہ کرنے میں ہے۔انہوں نے مزید کہا کہ تعلیمی نصاب میں تبدیلی شروع کردی گئی ہے،ملک کو چلنے دو، روز روز نئے فیصلے نہیں کرسکتے،ہم کہتے رہے کہ حکومت کے فیصلے سنجیدہ نہیں ہیں۔