کراچی: پاکستان پیپلز پارٹی کے رہنما ڈاکٹر عاصم کا کہنا ہے کہ مہاجر قوم کو متحد ہونا چاہئے اور مرکزی سیاست میں آنا چاہئے۔

Immigrants should be united and come into central politics, Dr. Asim

احتساب عدالت میں ڈاکٹر عاصم  و دیگر کے خلاف 462 ارب روپے کی کرپشن سے متعلق ریفرنس کی سماعت ہوئی، اس موقع پر پی پی رہنما ڈاکٹر عاصم نے میڈیا سے گفتگو کرتے ہوئے کہا کہ پیپلز پارٹی نے پہلے بھی ایم کیو ایم کے ساتھ کام کیا ہے اور اب بھی ان دونوں پارٹیوں کو ایک ساتھ مل کر کام کرنا چاہئے۔ انہوں نے کہا کہ میں سمجھتا ہوں پیپلز پارٹی کے ایم کیو ایم سےاچھے تعلقات ہونے چاہئیں۔ مہاجر قوم کو متحد ہوکر مرکزی سیاست میں آکر اپنا کردار نبھانا چاہئے۔ ان کی کوشش ہوگی کہ وہ کراچی میں بسنے والے تمام لوگوں کو ساتھ لے کر چلیں۔ ڈاکٹر عاصم نے مزید کہا میں نے کبھی اداروں کو برا نہیں کہا تاہم نیب بڑے لوگوں کے خلاف کارروائی نہیں کرتی بلکہ  صرف غریبوں کو پکڑتا ہے