لاہور: اسپاٹ فکسنگ کیس میں ناصر جمشید پر فرد جرم عائد کردی گئی۔

Imposed indicted on Nasir Jamshed in the spot-fixing case

پی سی بی حکام کے مطابق ناصر جمشید نے کیس کے حوالے سے تعاون نہیں کیا اس لئے فرد جرم عائد کرنے کے بعد کرکٹر کو چارج شیٹ بھجوا دی گئی ہے۔ دوسری طرف شاہ زیب حسن کی جانب سے پی سی بی کی چارج شیٹ میں لگائے گئے الزامات تسلیم نہ کرنے کے بعد کیس ٹربیونل کے حوالے کردیا گیا ہے اور اب ٹربیونل میں کیس کی باقاعدہ سماعت ہوگی۔ ذرائع کے مطابق اسکینڈل میں ناصر جمشید کو مرکزی کردار قرار دیا جا رہا ہے تاہم انگلینڈ میں موجود بیٹسمین کو برطانوی پولیس کی جانب سے مبینہ بکی یوسف کے ساتھ حراست میں لیا گیا لیکن تفتیش کے بعد ضمانت پر رہا کرتے ہوئے ان کا پاسپورٹ ضبط کرکے انگلینڈ چھوڑنے پر پابندی عائد کی گئی تھی۔ واضح رہے کہ پی ایس ایل کے دوران اسپاٹ فکسنگ اسکینڈل میں شرجیل خان اور خالد لطیف کو معطل کیا گیا تھا جب کہ بعد ازاں محمد عرفان اور شاہ زیب حسن بھی معطل کردیئے گئے تھے۔ محمد عرفان نے الزام تسلیم کرلیا تھا جس کے بعد انہیں سزا سنادی گئی جب کہ شرجیل اور خالد لطیف کے کیسز ٹربیونل میں زیر سماعت ہیں۔