اسلام آباد: سینئر اینکر پرسن ڈاکٹر شاہد مسعود نے دعویٰ کیا ہے کہ عمران خان وہ شخصیت ہیں جن کی حکومت بیرونی قوتوں کی مرضی کے بغیر بنی ہے۔

ڈاکٹر شاہد مسعود نے کہا کہ امریکہ نے ایک لاکھ 20ہزار زمینی فوجی تیار کیے ہوئے ہیں جو ایران سے جنگ کی صورت میں خطے میں بھیجے جائیں گے۔ ایک طرف ایسے حالات ہیں تو یہ بہت ہی عجب بات ہے کہ ایسے حالات میں عمران خان کی حکومت آگئی ہے۔ ڈاکٹر شاہد مسعود نے کہا کہ عمران خان کو لانے میں باہر کی قوتوں کا کوئی کردار نہیں ، مغرب تو بالکل ہی عمران خان کو یہاں لانے کیلئے تیار نہیں تھا۔ یہ پاکستان کی وہ حکومت ہے جس کو لانے میں نہ عرب ملک، نہ برادر اسلامی ملک اور نہ امریکہ ملوث ہے

پاکستان کے اندر ایک ایسے صاحب جن کا نام عمران خان ہے وہ حکومت میں آگئے ہیں۔عمران خان کہتے ہیں کہ وہ ڈکٹیشن نہیں لیں گے اور کشکول توڑیں گے لیکن اب ایسی صورتحال بنائی جارہی ہے کہ عمران خان کے آس پاس وہ ساری شخصیات آجاتی ہیں جن کے پاکستان میں کوئی مفادات نہیں ہیں۔