Afzaal Gondal

فرانس : عمران خان عوام کے مفاد کی خاطر جنگ لڑ رہے ہیں اور اس جنگ میں تحریک انصاف کے کارکن ان کے شانہ بشانہ کھڑے ہیں۔

ان خیالات کا اظہار پاکستان تحریک انصاف کے مرکزی راہنما چوہدری افضال احمد گوندل نے میڈیا کے نمائندوں سے گفتگو کرتے ہوئے کہا کہ انھوں نے مزید کہا کہ انشاء اللہ بہت جلد عمران خان کا خواب پورا ہوگا اور نیا پاکستان بن کر رہے گا۔

ایک ایسا پاکستان جہاں پر غریب کو اس کا حق دیا جائے گا۔ سرکاری اداروں سے کرپشن کا خاتمہ ہوگا ۔ تھانوں میں کالی بھیڑوں نہ صرف خاتمہ ہو گا بلکہ مظلوم کی آواز سنی جائے گی ۔ انھوں نے کہا کہ عمران خان کے کہے الفاظ ایک بار پھر سچ ہو گئے ہیں۔

میاں برادران اپنا پیسہ ناجائز طریقوں سے باہر کے ملکوں بھیج چھپا رہے ہیں جس کو پامانہ لیکس کھل کر عوام کے سامنے رکھ دیا ہے میاں برادران حقیقت میں ملک نہیں چلا رہے بلکہ ملک کو بے دردی کے ساتھ اپنے مفاد کے لیے استعمال کررہے ہیں۔

انھوں نے مزید کہا کہ بہت ہی شرم کی بات ہے کہ خدمت کے دعویدارحکمرانوں نے راء کے بارے میں ایک لفظ بھی نہیں کہا۔ انشاء اللہ عمران خان کی حکومت آتے ہیں ملک کو لوٹنے والوں کا کڑا احتساب ہو گا ۔ وطن عزیز ایک بار پھر ترقی کی جانب رواں دواں ہوگا۔