پیرس ( نامہ نگار) پاکستان مسلم لیگ ن فرانس (یوتھ ونگ) کے سیکرٹری اطلاعات ملک انعام نے کہا ہے کہ عمران کا جعلی تبدیلی کی طرح منشور بھی جعلی ہی نکلا، بلین ٹری منصوبے کی طرح کروڑ نوکریاں (ناممکن ترین بڑھک) پچاس لاکھ گھر وغیرہ سب سوشل میڈیا پر ہی مکمل کیے جائیں گے اور اس خیالی پارلیمنٹ کے وزرائ بھی وزیر تبدیلی، وزیر ٹوئٹر ، وزیر انسٹا گرام، وزیر فیس بک ہی ہونگے اور اجلاس کی کارروائی وغیرہ کی جگہ وزیر فالورز اور ری ٹوئٹس کی لسٹ پیش کیا کریں گے۔

اللہ پاک ایسی تبدیلی کسی دشمن کو بھی نصیب نہ کرے حقیقی تبدیلی میاں محمد نواز شریف کے پاکستان جانے سے آئیگی اور دنیا دیکھے گی ۔ پنجاب کی غیور عوام اپنے قائد کو کس طرح فقید المثال طریقے سے استقبال بھی کریگی اور اس کی بے گناہی بھی ثابت کریگی۔