Reham Khan

لندن: ریحام خان نے کہا ہے کہ عمران خان اور میں مختلف افراد نکلے، مجھے لگاعمران مجھ سے محبت کرتے ہیں، مگر ایسا نہیں تھا عمران خان نے مجھے کبھی کچھ نہیں دیا۔ عمران نے تو مجھے شادی کی انگوٹھی تک نہیں دی۔

برطانوی اخبار کو خصوصی انٹرویو میں ریہام خان نے شکوہ کیا کہ مجھ پر عمران خان کو پیٹنے، چوہوں کو مارنے والی دوائی پلانے کی کوشش کا الزام لگا۔ میں نے کہا کہ بیان جاری کریں کہ کوئی رقم نہیں لی، نہ ہی ارادہ ہے، الزامات لگے مگر کسی نے میرا دفاع نہیں کیا، اس لیے انٹرویو دیا۔

ریحام نے انکشاف کرتے ہوئے کہا کہ میری شادی پاکستان یابرطانیہ کہیں رجسٹرڈنہیں ہوئی۔ 10 ماہ تک شادی رہی، مجھے کسی بھی چیز کا حق حاصل نہیں ہے۔

انہوں نے انٹرویو میں کہا کہ پارٹی اراکین نے کہہ دیا تھا کہ انہیں میرے ساتھ کام کرنے میں مسئلہ ہے۔ پارٹی کے سینئر مشیر نے کہا وہ چاہتے تھے میں کچن میں چپاتیاں بناؤں۔ مجھے انتقام کا نشانہ بنایا گیا۔