Imran stop
شیخوپورہ(بیورورپورٹ)پاکستان یوتھ موبلائزیشن کے ڈسٹرکٹ میڈیا کوآرڈینیٹر خان شہباز احمد خان نے کہا ہے کہ ہماری قیادت کی جدوجہد اقتدار کیلئے نہیں ملک کے مسائل حل کرنے‘ لوگوں کی خدمت کرنے اور ملک کو صحیح معنوں میں ترقی و خوشحالی کی راہ پر گامزن کرنے کے لئے ہے عمران خان عوام سے مذاق کرنا بند کر دیں ان کو ووٹ دینے والے ان کی راہیں تک رہے ہیں اڑھائی برسوں تک دھاندلی کا واویلا کرنے اور موجودہ حکومت کے خلاف عدالتوں میں جانے والوں کو جواب مل چکا ہے اور اب عمران خان سیدھے راستے پر آتے ہوئے پاکستان کے عوام کے ووٹ کے تقدس کا احساس کریں، اپنے ایک بیان میں خان شہباز احمد خان نے کہا کہ دہشت گردی کی جنگ میں قربانیاں دینے والوں کی ماؤں سے پوچھیں کہ آزادی کی کیا قدر ہے؟ اس کے برعکس عمران خان کا طالبان کو دفتر کھولنے کا بیان زخموں پر نمک چھڑکنے کے مترادف ہے۔ انہوں نے کہا کہ عمران خان اسی طرح واویلا کرتے رہ جائیں گے اور لاہور اور راولپنڈی کے بعد ملتان کے شہری بھی جلد میٹرو کی ٹھنڈی بس میں سفر کریں گے۔ انہوں نے کہا کہ ہم کسانوں کا درد سمجھتے ہیں اور وطن عزیز میں خوشحالی لوٹانے کے لئے دن رات سرگرم عمل ہیں، چین کی طرف سے ملنے والی 46ارب ڈالر کی سرمایہ کاری سے قائد اعظم کا خوشحال پاکستان بنائیں گے اور جھوٹ و الزامات کی سیاست کرنے والوں کو اڑھائی سال بعد عوام کی عدالت میں جوابدہ ہونا ہو گا۔
