including Quetta 3-day anti-polio campaign

تین روزہ پولیو مہم کے دوران 24 لاکھ سے زائد بچوں کو پولیو کے قطرے پلائے جائیں گے ، ورکرزکی حفاظت کے ایک ہزار 6 سو پولیس اور ایف سی کے اہلکار تعینات
کوئٹہ (یس اُردو) کوئٹہ سمیت صوبے کے 30 اضلاع میں 3 روزہ انسداد پولیو دوسرے روز بھی جاری ہے ۔ 24 لاکھ سے زائد بچوں کو پولیو کے قطرے پلائے جا رہے ہیں ۔ ورکرزکی حفاظت کے ایک ہزار6 سو پولیس اور ایف سی کے اہلکار تعینات ہیں ۔بلوچستان میں تین روزہ قومی پولیو مہم کوئٹہ سمیت 30 اضلاع میں دوسرے روز بھی جاری ہے ۔ صوبے بھرمیں اس مہم کے دوران 5 سال سے کم عمر کے 24 لاکھ 72 ہزار 616 بچوں کو انسداد پولیو کے قطرے پلائے جا رہے ہیں جس کے لئے 6 ہزار 4 سو 63 موبائل ٹیمیں، 782 فکسڈ سائٹ اور 311 ٹرانزٹ پوائنٹس پر ورکر فرائض انجام دے رہے ہیں ۔پولیو مہم کے دوران 55 ہزار 85 افغان بچوں کو بھی پولیو ویکشین پلائی جائے گی ، انسداد پولیو مہم کے دوران ورکرز کی حفاظت کے لئے ایک ہزار 6 سو سے پولیس اہلکاروں کے علاوہ لیویز اور ایف سی کے اہلکار بھی تعینات کئے گئے ہیں ۔رواں سال بلوچستان میں پولیو کے 7 کیسز رپورٹ ہوئے ہیں ، جن میں 5 کوئٹہ اور ایک قلعہ عبداللہ اور ایک لورالائی میں سامنے آئے ہیں ۔