Gautam Bambawale

نئی دہلی : بھارتی حکومت نے گوتم بمبا والے کو پاکستان میں اپنا نیا ہائی کمشنر نامزد کیا ہے،وہ ٹی سی اے راگھون کی جگہ عہدہ سنبھالیں گے۔

گوتم بمبا والے اس وقت بھوٹان میں بھارت کے ہائی کمشنر ہیں۔ وہ ٹی سی اے راگھوان کی جگہ عہدہ سنبھالیں گے جو اس سال دسمبر میں ریٹائر ہورہے ہیں۔

بھارتی میڈیا کا کہنا ہے کہ یہ ایک بڑی تعیناتی ہے،کیونکہ گوتم بمبا والے چین سے متعلق امور کے ماہر تسلیم کئے جاتے ہیں اور انہیں پاکستان میں ہائی کمشنرتعینات کرنا انتہائی اہم فیصلہ ہے۔

بھارتی حکومت نے کئی اور ممالک میں بھی اپنے سفیر تبدیل کرنے کا فیصلہ کیا ہےاور نئے سفیروں کے ناموں کا اعلان کردیا ہے۔سید اکبر الدین کو اقوام متحدہ میں بھارت کا مستقل مندوب نامزد کیاگیا ہے۔وہ اسوک مکرجی کی جگہ یہ عہدہ سنبھالیں گے۔