India: kanhaiya Kumar

بھارتی سپریم کورٹ نے کنہیا کمار کی درخواست ضمانت پر سماعت سے انکار کرتے ہوئے اسے ہائی کورٹ جانے کا حکم دے دیا
نئی دہلی (یس اُردو) بھارتی سپریم کورٹ نے جواہر لال نہرو یونیورسٹی کے طلبہ یونین کے صدر کنہیا کمار کی درخواست ضمانت پر سماعت سے انکار کر دیا ، ہائی کورٹ جانے کا حکم دے دیا ۔بھارتی میڈیا کے مطابق سپریم کورٹ نے سینٹر اور دہلی پولیس کو کنہیا کمار اور اسکے وکلاء کو سیکورٹی دینے کا حکم دیا جبکہ درخواست ضمانت پر سماعت سے انکار کرتے ہوئے اسے ہائی کورٹ جانے کا حکم دے دیا ۔جواہر لال نہرو یونیورسٹی کی طلبہ یونین کے صدر اٹھائیس سالہ کنہیا کمار پر غداری کا مقدمہ درج ہے ، اس سے پہلے پٹیالہ ہاؤس کورٹ میں سماعت کے دوران وکلاء نے کنہیا کمار کوتشدد کا نشانہ بنایا تھا ۔ طلبہ یونین کے صدر کی رہائی کے لیے بھارت کے مختلف شہروں میں مظاہرے کیے جا رہے ہیں