مقبوضہ کشمیر میں قابض بھارتی فوج نے کریک ڈاؤن کے دوران مزید 3 کشمیری نوجوانوں کو شہید کردیا۔
Indian army killed 3 more young in occupied Kashmir
کشمیر میڈیا سروس کے مطابق مقبوضہ کشمیر کے ضلع بڈ گام کے علاقے رادبگ میں قابض بھارتی فوج نے گھر گھر تلاشی لی اور کریک ڈاؤن کے دوران 3 کشمیری نوجوانوں کو فائرنگ کر کے شہید کردیا۔ شہید ہونے والے نوجوانوں کی شناخت جاوید شیخ، داؤد احمد اور عاقب گل کے نام سے ہوئی ہے۔ ادھر پولیس نے دعویٰ کیا ہے کہ کریک ڈاؤن کے دوران مارے جانے والے نوجوانوں کا تعلق حزب المجاہدین سے تھا جنہیں سیکیورٹی فورسز نے ایک گھر پر چھاپے کے دوران مقابلے کے بعد ہلاک کیا۔ دوسری جانب بھارتی فوج کے کریک ڈاؤن اور بربریت کے خلاف مسلسل پانچویں روز شوپیاں کے علاقے میں ہڑتال کا سماں ہے۔ خیال رہے کہ تحریک آزادی کے کمانڈر برہان مظفر وانی کی شہادت کے بعد سے وادی بھر میں قابض بھارتی سیکیورٹی فورسز کے خلاف کشمیریوں کے احتجاج میں مزید شدت آگئی ہے۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
