مودی سرکار کو کشمیریوں کی جہد مسلسل کے آگے جھکنا پڑ ہی گیا۔ بھارت کی حکومت نے حریت رہنماؤں کے ساتھ گفتگو کا سلسلہ بڑھانے کا فیصلہ کر لیا ہے۔ بھارتی انٹیلی جنس بیورو کے سابق سربراہ دنیشور شرما کشمیر کیلئے مذاکرات کار ہوں گے۔ دنیشور شرما نے بھارتی خبر ایجنسی سے بات کرتے ہوئے کہا کہ کشمیر میں امن پہلی ترجیح ہو گی اور اس کے لیے ہر وہ ہر ایک سے مذاکرات کے لیے تیار ہیں۔ ادھر وزیر داخلہ راج ناتھ سنگھ نے کہا ہے کہ دنیشور شرما کو حریت رہنماؤں سے بات چیت کی آزادی ہو گی۔