حکومت پاکستان کی سرکاری ویب سائٹ سمیت کئی وزارتوں اور محکموں کی ہیک ہونےو الی ویب سائٹس سے بھارتی ہیکرز کے نعرےہٹا دیے گئے ، تاہم انہیں اب تک مکمل طور پربحال نہیں کیا جا سکا۔

Indian slogans were removed from hacked websites

گزشتہ روز بھارتی ہیکرز کی جانب سے 25 وزارتوں اور محکموں کی سرکاری ویب سائٹس ہیک کر کے ان پر بھارتی پرچم اور فوج کی تصاویر لگا دی گئیں ۔ جن وزارتوں کی ویب سائٹ ہیک گئی تھیں ان میں وزارت قانون و انصاف ،وزارت پانی و بجلی ،وزارت انفارمیشن ٹیکنالوجی ،وزارت دفاع، وزارت دفاعی پیدوار، وزارت صنعتی پیداوار، وزارت موسمیاتی تبدیلی، وزارت بین الصوبائی رابطہ اور وزارت فوڈ سیکورٹی شامل ہیں۔ اس کے علاوہ کابینہ اور اسٹیبلشمنٹ ڈویژن کی ویب سائٹ بھی ہیک کی گئی ہے۔ ہیک ہونےو الی ویب سائٹس کی بحالی کا کام جاری ہے کا پیغام لگا دیا گیا ہے۔