اسلام آباد(یس اردو نیوز) یو اے ای ، عمان اور قطر میں ہندوستانی سفارتخانوں نے سوشل میڈیا پر متعلقین کے طرز عمل کے بارے میں وارننگ جاری کرتے ہوئے ہندوستانیوں کو یاددہانی کرائی ہے کہ خلیج میں تعصب کیخلاف سخت قوانین لاگو ہیں ۔ یہ بات واضح ہے کہ انڈیا میں بعض مقبول ٹی وی چیانلز مسلمانوں کو نشانہ بناتے ہوئے فرضی رپورٹس نشر کرتے ہیں اس سے عام ماحول بگڑتا جارہا ہے ۔
تعصب پھیلانے پر پر سخ۔ت جرمانہ اور جیل کی سزاء کی وارننگ دیتے ہوئے متحدہ عرب امارات کے پبلک پراسیکیوشن نے بھارتی میڈیا اوریو اے ای میں مقیم بھارتیوں کو خبردار کیا ہے کہ ایسے اقدامات سے باز رہیں۔ یہ وارننگ اس پس منظر میں جاری کی گئی ہے کہ متحدہ عرب امارات میں مقیم کئی ہندوستانیوں کی طرف سے اسلام ، پیغمر محمدؐ ، اسلامی ثقافت اور مسلمانوں کی اہانت پر مبنی تبصرے پوسٹ کی جاتی رہی ہیں۔ مگر اب ایسا کرنے والوں کو کو سخت جرمانہ اور جیل کی سزاء کا سامنا کرنا پڑے گا ۔ یو اے ای کے قانون کے مطابق کوئی بھی فرد جو تعصب پر مبنی حرکت یا اقدام کرے جو کسی بھی شکل میں ہو ، اسے کم از کم 5 سال قید ہو گی اور 5لاکھ درہم کا جرمانہ عائد کیا جائے گا ۔ یہ دونوں سزائیں بیک وقت یا کوئی ایک دی جاسکتی ہے ۔ گزشتہ ماہ امارت کے ایک جرنلسٹ کو سوشل میڈیا پر ویڈیو پوسٹ میں نسل پرستانہ تبصروں کی پاداش میں قید کرلیا گیا تھا ۔ عرب اخبار اس طرح کی رپورٹس شائع کرتا رہا ہے جس میں تارکین وطن کو آجرین نے نوکری سے برخواست کردیا جبکہ انہوں نے سوشل میڈیا پر قابل اعتراض تبصرہ پوسٹ کیا تھا ۔کئی ہندوستانی تارکین نے نفرت پھیلانے کا کام کیا ہے اور مذہبی تعصب کا اظہار کیا ۔ حالانکہ وہ یو اے ای میں طویل مدت سے مقیم ہیں ۔ یو اے ای اور دیگر خلیجی مملکتوں میں کئی ممتاز عرب شخصیتوں نے بڑھتے اسلامو فوبیا کیخلاف آواز اٹھائی اور تارکین وطن کے بدلتے تیور اور طرز عمل پر فکر مندی کا اظہار کیا ہے ۔