Irfan Ward once again

کھاریاں(نیئر صدیقی سے) میونسپل کمیٹی کھاریاں کی وارڈ نمبر3سے پی ٹی آئی کے کونسلر عرفان چھپر کی نااہلی کے بعد وارڈ میں ایک بار پھر انتخابی گہماگہمی شروع ہو گئی۔ ن لیگ نے گذشتہ الیکشن میں ہارنے والے امیدوار چوہدری راشد محمود کو دوبارہ الیکشن لڑنے کیلئے رضا مند کر لیا۔ گذشتہ روز ن لیگ کی ایک اعلیٰ سطحی میٹنگ ایم این اے چوہدری عابد رضا کی صدارت میں منعقد ہوئی جس میں حاجی اسلم خان، حاجی رزاق خان، عبدالقیوم بھٹی، ظفر مجید بٹ، چوہدری ارشد محمود راشہ اور دیگر رہنماؤں نے چوہدری راشدمحمود کوالیکشن لڑنے کیلئے رضامند کر لیا۔ پی ٹی آئی کی طرف سے امیدوار کا اعلان آج یکم مارچ کو کیا جائے گا۔