Islamabad: Mengal chaired by the APC

اسلام آباد …….بلوچستان کے مستقبل کے تناظر میں چین پاک اقتصادی راہداری اور گوادر پورٹ کا معاملے پر بلوچستان نیشنل پارٹی مینگل کے زیر اہتمام آل پارٹیز کانفرنس اسلام آباد میں جاری ہے ۔ بی این پی مینگل کے صدر اخترجان مینگل کی زیر صدارت اے پی سی میں ملک کی قومی ،مذہبی اور قوم پرست سیاسی جماعتوں کے رہنما شریک ہیں۔ اے این پی کے سینیٹر زاہد خان ،سابق چیف جسٹس افتخار چودھری پیپلزپارٹی کے فرحت اللہ بابر ، تاج حیدر، قائمقام امیر جماعت اسلامی لیاقت بلوچ ، پختونخواملی عوامی پارٹی کے سربراہ محمود خان اچکزئی اور قومی وطن پارٹی پارٹی کے سربراہ آفتاب احمد خان شیر پائو اے پی سی میں شریک ہیں ۔نیشنل پارٹی کے رہنما میر حاصل بزنجو جمیعت علمائے اسلام ف کے سربراہ مولانا فضل الرحمان ،مسلم لیگ ق کے سینیٹر مشاہد حسین سید سینیٹر طلحہ محمود، میاں افتخار حسین ، افراسیاب خٹک اور حافظ حسین احمد بھی کانفرنس میں شریک ہیں۔ بلوچستان کے مستقبل کے تناظر میں چین پاک اقتصادی راہداری اور گوادر پورٹ کا معاملے پرمختلف سیاسی جماعتوں کے رہنما اظہار خیال کررہے ہیں ۔