اسلام آباد(ایس ایم حسنین) اسرائیل ابوظہبی میں اپنے سفارتخانوں میں سے ایک بڑا سفارتخانہ ترتیب دے رہا ہے جسے جنوری کے آغاز میں آپریشنل کردیا جائیگا۔ عرب میڈیا اور اسرائیلی خبررساں ایجنسیوں کے مطابق ابوظہبی میں اسرائیلی سفارتخانہ برطانیہ، واشنگٹن، اور روس کی طرز پر بنایا جائیگا جوکہ متحدہ عرب امارات اور اسرائیل کے شاندار تعلقات کی علامت اور ریجن میں اسرائیل کی سفارتی سرگرمیوں کے اہم مقام کے طور پر کام کریگا۔ اس حوالے سے ایک اسرائیلی وفد گزشتہ ہفتے عرب امارات کے دورہ پر تھا جہاں سفارت خانہ کے لیے جگہ کا معائنہ کیا گیا تاہم ابھی جگہ کا فیصلہ نہیں کیا گیا ہے۔اسرائیلی وزارت خارجہ کے ترجمان کا کہنا ہے کہ یہ تو نہیں کہا جاسکتا کہ سفارتی مشن پوری دنیا میں سب سے بڑا ہوگا تاہم سفارت خانہ اور قونصل خانہ واقعی میں بہت بڑے ہوں گے۔ اسرائیلی میڈیا رپورٹس کے مطابق عرب امارات میں اسرائیلی سفارت خانہ واشنگٹن، لندن اور ماسکو میں قائم اسرائیلی سفارت خانوں کی طرح بڑا ہوسکتا ہے۔

The national flags of Israel and the United Arab Emirates along a highway in Netanya, Israel. Reuters file photo

واضح رہے کہ رواں سال اگست میں اسرائیل اور متحدہ عرب امارات کے درمیان ایک امن معاہدہ ہوا تھا جس کے تحت دونوں فریقین کے درمیان نہ صرف سفارتی تعلقات قائم کیے جانے تھے بلکہ اسرائیل نے جواب میں کہا ہے تھا کہ وہ مغربی کنارے کے بہت بڑے رقبے پر اسرائیل کے توسیعی عمل کو بھی روک دے گا