مسلم لیگی رہنما حنیف عباسی نے سپریم کورٹ کے باہر گفتگو کرتے ہوئے کہا ارکان اسمبلی کے حلف نامے سے ختم نبوت کا لفظ نکالنا حکومت کے خلاف سازش ہے، سپیکر غلطی کرنے والے کا نام قوم کے سامنے لائیں۔ حنیف عباسی نے کہا ختم نبوت ﷺ کے حوالے سے حلف نامے میں ٹائپنگ غلطی کوئی نہیں مانتا۔ انہوں نے کہا ملک و قوم کی بدقسمتی ہے کہ سیاستدان ایک دوسرے کے کپڑے اتار رہے ہیں، شیخ رشید بنارسی ٹھگ ہے۔ ان کا کہنا تھا کہ ناموس رسالت کے حوالے سے شیخ رشید پرویز مشرف کے ساتھ کھڑا تھا، شیخ رشید اور عمران خان قوم کو گمراہ کر رہے ہیں۔ مسلم لیگی رہنما نے مزید کہا کہ ججز کا کہنا تھا کہ جہانگیر ترین کا کیس پاناما کے ساتھ ہی سنا جاتا، اربوں روپے کی پاکستانی معیشت ڈوب چکی ہے۔ انہوں نے کہا نواز شریف کا قصور یہ تھا کہ انہوں نے ترقیاتی کام کیے۔