کراچی: قومی ٹیم کے سابق کپتان وسیم اکرم کی اہلیہ شنیر ااکرم کی سوشل میڈیا پر ایک ویڈیو وائرل ہو رہی ہے جس میں وہ ایک شخص کے ساتھ ٹیبل پر موجود ہیں اور دونوں کے درمیان سبزیوں کا نام اردو میں لے کر انہیں پہنچانے کا چیلنج جاری ہے۔
تفصیلات کے مطابق شنیرا اکرم کے سامنے بیٹھے اس شخص کا نام جارج فلٹن ہے اور دونوں سبزیوں کے علاوہ کچھ مزید جملے میں بھی اردو میں بول رہے ہیں جس کا مطلب ہے کہ وہ آہستہ آہستہ اردو زبان سے کافی زیادہ واقف ہو چکی ہیں اور مستقبل میں روانی کے ساتھ بولنے لگیں گی۔
یہ ویڈیو جارج کی جانب سے سوشل میڈیا پر شیئر کی گئی جس اب تک ہزاروں لوگ دیکھ چکے ہیں اور شیئر کر رہے ہیں ۔ویڈیو میں آ پ دیکھ سکتے ہیں کہ شنیرا اور جارج کامیابی کے ساتھ سبزیوں کے نام لے کر انہیں پہنچان رہے ہیں اور دونوں کے درمیان مقابلہ برابر ہو جاتاہے لیکن دونوں ہی جیت کا دعویٰ کرتے ہیں۔
