Talal Akbar Bugti

کوئٹہ (جیوڈیسک) جمہوری وطن پارٹی کے سربراہ طلال اکبر بگٹی انتقال کر گئے، انہیں گزشتہ روز دمےکی شکایت پر فوری طور پر ہسپتال لے جایا گیا لیکن وہ جانبر نہ ہو سکے۔

طلال اکبر بگٹی سابق وزیر اعلیٰ بلوچستان اکبر بگٹی کے صاحبزادے تھے اور انہوں نے اپنے والد کے ساتھ ملکی سیاست میں اہم اور سرگرم کردار ادا کیا۔

طلال اکبر بگٹی نے ابتدائی تعلیم لاہور کے معروف ادارے ایچی سن سے حاصل کی تھی، وزیر اعظم پاکستان میاں محمد نواز شریف، وزیر اعلیٰ پنجاب میاں محمد شہباز شریف، سابق صدر آصف علی زرداری اور دیگر سیاستدانوں نے طلال اکبر بگٹی کے انتقال پر گہرے رنج و غم کا اظہار کیا ہے اور ان کی مغفرت کی دعا کی ہے۔