JKNAP UK

لیوٹن برطانیہ (تیمور لون) جموں کشمیر نیشنل عوامی پارٹی برطانیہ کا یوم مقبول بٹ شہید کے حوالے سے پروگرام کے بارے برطانیہ کے شہر لیوٹن کے ایک مقامی ریسٹورنٹ میں میٹنگ کا انعقاد کیا گیا۔ جس میں کامریڈ اصغر ملک، آزاد راجا، ساجد شاہین، شاہد ملک، امجد لون، اشتیاق بٹ، تسلیم ملک، عاطف چوہدری، قمر ملک، فیاض احمد، ارشد ملک و دیگر پارٹی اراکین نے شرکت کی۔

میٹنگ میں جموں کشمیر نیشنل عوامی پارٹی برطانیہ کی جانب سے 14فروری کو منعقد کی جانے والی یوم مقبول بٹ شہید کی تقریب کے استقبالیہ و انتظامی امور کی دیکھ بھال کے لئے مہتاب ملک کی سرپرستی میں ایک ایونٹ آرگنأزنگ کمیٹی تشکیل دی گئی جس میں کامریڈ اصغر ، شاہد ملک ، فیصل قریشی ، تسلیم ملک شامل ہیں۔

جموں کشمیر نیشنل عوامی پارٹی کے اس اہم ترین میٹنگ میں ساجد شاہین ، آزاد راجا ، شاہد ملک، اشتیاق بٹ ، عاطف چوہدری ، قمر ملک و دیگر نے کہا کہ ہم توقع رکھتے ہیں کہ جموں کشمیر نیشنل عوامی پارٹی برطانیہ کی متفقہ جمہوری نو منتخب ایونٹ آرگنائزنگ کمیٹی تقریب کو کامیابی سے ہمکنار کرنے میں اپنا بہترین کردار ادا کرے گی اور جو بھاری ذمہ داریاں ان کو سونپی جا رہی ہیں ان کواپنی بھر پور کمٹمنٹ کے ساتھ نبھائیں گے۔

JKNAP UK

میٹنگ کے شرکاء نے نیپ برطانیہ کی نومنتخب کابینہ کو مبارکباد دیتے ہوئے کہا کہ ہم امید کرتے ہیں کہ نو منتخب کابینہ جموں کشمیر نیشنل عوامی پارٹی کو دنیا بھر میں کشمیریوں کی نمائندہ سیاسی جماعت کے طور پر پیش کرنے میں اپنا بھرپور کردار ادا کرے گی۔

مادر وطن ریاست جموں کشمیر کی وحدت ، خودمختاری، خوشحالی اور غیر طبقاتی نظام کے خاتمے کے لئے جدید اور سائینسی بنیادوں پر مبنی اپنی جدو جہد کو مزید آگے بڑھانے میں کارگر ثابت ہو گی۔