London News
لیوٹن برطانیہ (تیمور لون) جموں کشمیر نیشنل عوامی پارٹی لندن برانچ کی تنظیم سازی مکمل کر لی گئی ۔جموں کشمیر نیشنل عوامی پارٹی برطانیہ کے صدر صادق سبحانی ایڈووکیٹ نے نو منتخب عہدیداران سے حلف لیا ۔ حلف اٹھانے والے نو منتخب عہدیداران میں صدر مظہر آزاد ، نائب صدر اسد جنرل سیکرٹری تنویر شاہد ، آرگنائزر محمد مشتاق ، سیکرٹری نشرواشاعت رزیق کمال اور سٹڈی سرکل مرتضیٰ شامل ہیں ۔
حلف برداری کی تقریب میں جموں کشمیر نیشنل عوامی پارٹی برطانیہ کے صدر صادق سبحانی ، نائب صدر سردار مشتاق خان ، جنرل سیکرٹری آزاد راجا، سردار الطاف حسین سینئر رہنما شاہد ملک اور دیگر نے شرکت کی اور نو منتخب عہدیداران کو مبارکباد پیش کرتے ہوئے کہا کہ پارٹی کے کارکنان نے برطانیہ میں جس قدر محنت ، لگن اور کمٹنٹ کے ساتھ پارٹی کے معاملات میں اپنا حصہ ڈالا اس کے لئے کارکنان بھرپور مبارک باد کے مستحق ہیںجن کی محنت نے پارٹی کو ریاست کی بڑی سیاسی جماعتوں کی صف میں لا کھڑا کیا اور ہمیں بھر پور اعتماد ہے کہ نو منتخب عہدیداران پارٹی کے آئین و منشور کی پاسداری کرتے ہوئے اسی کمٹمنٹ کے ساتھ اپنا کام جاری رکھیں گے ۔
عہدیداران نے بھی اس بات کا عہد کیا کہ وہ بابائے قوم حضرت مقبول بٹ شہید کے بتلائے ہوئے رستے پر عمل پیرا رہتے ہوئے شہید کشمیر کے مشن کی تکمیلی کے لئے ہر ممکن کوشش کرتے رہیں گے اور مادر وطن جموں و کشمیر گلگت و بلتستان جو کے84471 مربع میل پر پھیلی ہوئی ہے میں آزادی ، خودمختاری ، خوشحالی اور غیر طبقاتی معاشرہ کے قیام تک اپنی جدو جہد جاری رکھیں گے ۔
