Jat community Hindutva

نئی دہلی ……… بھارتی ریاست ہریانہ میں جٹ برادری کے احتجاج کے دوران نئی دلی کو پانی سپلائی کرنے والی نہر بند کر دی گئی۔احتجاج کے پیش نظر دارالحکومت میں کل تعلیمی ادارے بند رہیں گے ۔
ریاست ہریانہ میں جٹ برادری کا کوٹہ سسٹم کے خلاف احتجاج شدت اختیار کر گیا ۔اس وقت ہریانہ کے 8 شہروں میں کرفیو نافذ ہے۔سڑکیں اور ریلوے سروس بھی بند ہے۔احتجاج کے دوران مرنےو الوں کی تعداد 8 ہوگئی ہے۔ جٹ برادری نے تعلیمی اداروں اور ملازمتوں میں کوٹہ مقرر کرنے کے مطالبہ کیا جو دیکھتے ہی دیکھتے احتجاج میں تبدیل ہوگیا۔مشتعل مظاہرین نے متعدد گاڑیوں کو آگ لگادی جبکہ نئی دلی کو پانی فراہم کرنے والی نہر کی سپلائی بھی بند کر دی گئی جس کی وجہ سے دلی میں پانی کی قلت پیدا ہوگئی ہے۔دلی کے وزیر اعلیٰ ارویند کیجریوال نے پانی کی راشن بندی کی ہدایت جاری کرتے ہوئے پانی کی قلت والے علاقوں میں ٹینکر کے ذریعے پانی فراہم کرنے کا فیصلہ کیا ہے۔نئی دلی میں پیر کو ہونے والے امتحانات ملتوی اور تعلیمی ادارے بند کرنے کا اعلان کیا گیا ہے ۔