اسلام آباد(یس اردو نیوز) مسلم لیگ ن فرانس کے سابق صدر جاوید بٹ نے مادر جمہوریت بیگم کلثوم نواز کی جلد صحتیابی کیلئے دعا کرتے ہوئے کہا کہ اللہ تعالی سے دعا ہے کہ اللہ پاک مادر جمہوریت کو جلد از جلد صحت کاملہ وعاجلہ عطا فرمائے۔ انہوں نے کہا پوری قوم ان کیلئے دعا گو ہے ۔

مادر جمہوریت بیگم کلثوم نواز پاکستان میں جمہوریت اور جمہوری اداروں کی واحد امید ہیں اللہ تعالیٰ انہیں مکمل صحتیابی عطا فرمائے۔ پاکستان مسلم لیگ ن فرانس کے سابق صدر جاویداختر بٹ نے بیگم کلثوم نواز کی جلد صحت یابی کی دعا کرتے ہوئے کہا ہےکہ بیگم کلثوم نواز نے ہر مشکل گھڑی میں مسلم لیگ ن کی بڑی جرأت اور بہادری سے رہنمائی کی ہے۔ ان کی ناسازی صحت کی خبر سے پوری قوم اور مسلم لیگی کارکنوں کو تشویش ہے۔انہوں نے دعا کی کہ اللہ تعالیٰ انہیں جلد صحت یاب کرے۔انہوں نے علماء کرام اور عوام سے بیگم کلثوم نواز کی جلد صحت یابی اور درازی عمر کی دعا کی اپیل کی اور کہا کہ بیگم کلثوم نواز انتہائی ملنسار ‘ محبت کرنے والی اور مخلص خاتون ہیں جنہوں نے پارٹی کو ہمیشہ ہر برے وقت میں سہارا دیا اور ان حالات میں بھی وہ این اے 120 کا ضمنی الیکشن لڑ رہی ہیں انہوں نے کہا کہ اللہ انہیں صحت اور تندرستی دے اور سلامت رکھے اور ان کی تکلیف دور کرے تاکہ وہ صحت یاب ہو کر اپنے خاندان میں واپس لوٹ سکیں ۔