Jay Bharat Mata

بھارت ماتا کی جے نہ بولنے کا سماجی اور معاشی بائیکاٹ کیا جائے :وزیر اعلیٰ مہاراشٹرا کا ناشک میں جلسے سے خطاب
ناشک (یس اُردو) بھارت میں انتہا پسندی کو فروغ دینے میں بی جے پی کے اعلیٰ عہدیداران بھی کسی سے کم نہیں ، بی جے پی کے رہنما اور مہاراشٹرا کے وزیر اعلیٰ دیوندرا فاڈناوس کا کہنا ہے کہ جو لوگ بھارت ماتا کی جے نہیں بولتے ان کو بھارت میں رہنے کا کوئی حق نہیں ۔ ادھر اتر پردیش میں بھارت ماتا کی جے نہ بولنے والوں کا سماجی اور معاشی بائیکاٹ کا مطالبہ کیا گیا ہے ۔ بھارت میں ہندو جنونیوں پر بھارت ماتا کی جے کا نیا بھوت سوار ہو گیا ہے جو بولے گا تو محب وطن ، انکار کرنے والا غدار قرار دیا جاتا ہے ۔ بھارت ماتا کی جے کی بات چلی تو ہندو انتہا پسندوں کی آماجگاہ کہلانے والے مہاراشٹرا کے وزیر اعلیٰ کیوں پیچھے رہتے ۔ ناشک شہر میں ایک اجتماع سے خطاب کرتے ہوئے دیوندرا فاڈناوس کا کہنا تھا کہ اگر بھارت ماتا کی جے نہیں بولنا تو کیا پاکستان اور چین کی جے بولیں گے ۔ جو لوگ بھارت ماتا کی جے نہیں بولتے انہیں ملک میں رہنے کا کوئی حق نہیں ۔ ادھر اتر پردیش کے علاقے بگھپت میں ہونے والے ایک جرگے میں مطالبہ کیا گیا ہے کہ بھارت ماتا کی جے نہ بولنے والوں کا سماجی اور معاشی بائیکاٹ کیا جانا چاہیئے