سپریم کورٹ کے جج جسٹس سردار طارق مسعود کی گاڑی پر حملے کے الزام میں سجادہ نشین عید گاہ پیر حسان حسیب الرحمان کو 6 ساتھیوں سمیت گرفتار کر لیا گیا۔
Judge’s car attacked, sajjada nasheen arrested including colleagues
جسٹس سردار طارق مسعود کی گاڑی پر حملے کے الزام میں سجادہ نشین عید گاہ پیر حسان حسیب الرحمان اور ساتھیوں کے خلاف ایف آئی آر حافظ آباد کے تھانہ منڈی کالیکی میں درج کی گئی۔ ایف آئی آر کے مطابق جسٹس سردار طارق مسعود اور ان کی فیملی لاہور سے اسلام آباد آ رہی تھی کہ موٹر وے پر کسی بات پر تنازع ہوا، جس پر پیر حسان حسیب الرحمان کی گاڑی میں سوار افراد نے جسٹس طارق مسعود کی گاڑی پر حملے کی کوشش کی اور جسٹس طارق اور ان کی فیملی کو ہراساں بھی کیا گیا۔
مقدمے میں انسداد دہشت گردی سمیت دیگر دفعات شامل کی گئی ہیں۔ جسٹس سردار طارق کی جانب سے موٹر وے پولیس کو ہیلپ لائن پر اطلاع دی گئی جس پر موٹر وے پولیس نے ناکہ لگا کر پیر حسان حسیب الرحمان اور ان کے ساتھیوں کی گاڑیاں روک لیں۔ تفتیشی افسر محمد اسلم کے مطابق ملزمان کا گوجرانوالہ کی انسداد دہشت گردی کی عدالت سے 20 روز کا ریمانڈ لے لیا گیا ہے۔
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
