Ishaq Dar

اسلام آباد (جیوڈیسک) وزیر خزانہ سینیٹر اسحاق ڈار نے کہا ہے کہ پی ٹی آئی کے ساتھ مفاہمتی یادداشت پر چند روز میں دستخط ہو جائیں گے۔

انکا کہنا تھا کہ مفاہمتی یادداشت پر دستخط کے کچھ دن بعد صدارتی آرڈیننس جاری ہو گا، مذاکرات میں کوئی سہولت کار نہیں تھا، آئی این پی کے مطابق انکا کہنا تھا کہ تمام پارٹیوں کو مجوزہ معاہدے کی کاپیاں بھیج دی ہیں۔

وزیراعظم کی پارلیمانی رہنماؤں سے مشاورت کے بعد جمعہ تک مفاہمتی یادداشت پر دستخط ہوں گے اور اسکے 7 دن بعد صدارتی آرڈیننس جاری ہو گا۔

تحریک انصاف کی مشاورت سے نیا سیکریٹری الیکشن کمیشن لگائیں گے، یہ کسی ایک کی نہیں بلکہ دونوں پارٹیوں کی جیت ہے۔