judicial remand

اسلام آباد کی سول عدالت نے ڈی چوک دھرنے اور توڑ پھوڑ میں گرفتار ڈیڑھ سو سے زائد مظاہرین کو چودہ روزہ جوڈیشل ریمانڈ پر جیل بھیج دیا۔
اسلام آباد: (یس اُردو) ڈی چوک اسلام آباد میں دھرنے اور توڑ پھوڑ میں گرفتار ڈیڑھ سو سے زائد مظاہرین کے خلاف کیس کی سماعت جوڈیشل مجسٹریٹس حیدر علی شاہ، نصیر الدین اور عدنان جمالی نے کی۔ ملزمان کو عدالت لایا گیا۔ تاہم جگہ کم ہونے کی وجہ سے ملزمان کو کمرہ عدالت میں پیش نہ کیا گیا اور سماعت بخشی خانے میں ہوئی۔ دوران سماعت بخشی خانہ کے اطراف پولیس کی بھاری نفری تعینات رہی اور مظاہرین نے نعرے بازی بھی کی۔پولیس نے عدالت سے گرفتار ملزمان کو جوڈیشل ریمانڈ پر جیل بھیجنے کی استدعا کی۔ پولیس حکام نے کہا کہ ملزمان پر لگائی گئی دفعات ناقابل ضمانت ہیں۔ عدالت نے پولیس کی استدعا منظور کرتے ہوئے ملزمان کو چودہ روزہ جوڈیشل ریمانڈ پر جیل بھیج دیا۔ ملزمان کے خلاف تھانہ سیکرٹریٹ، آئی نائن اور تھانہ کوہسار میں چار مقدمات درج ہیں۔