Idrees Butt

وٹفورڈ برطانیہ (طیب علی) 21 جولائی پاکستان مسلم لیگ ن آزاد کشمیر کی فتح کے جشن کا دن ہے۔ عوام نے الیکشن سے پہلے ہی پاکستانم مسلم لیگ ن کے حق میں فیصلہ سنا دیا ۔ مسلم لیگ ن آزاد کشمیر ہی حقیقی عوامی نمائندہ اور سب سے بڑی سیاسی جماعت ہے۔

فاروق حیدر اور سکندر حیات کی قیادت میں آزاد کشمیر میں کرپشن کی تاریخی داستانیں رقم کرنے والوں کا کڑا احتساب ہو گا ۔ مجید کو کسی طور بھی بھاگنے کا موقع نہیں دیا جائے گا۔

ان خیالات کا اظہارپاکستان مسلم لیگ ن آزاد کشمیر برطانیہ کے رہنما ادریس بٹ نے اخباری نمائندہ سے خصوصی گفتگو کے دوران کیا ۔ انہوں نے مزید کہا کہ الیکشن کے دن پاکستان مسلم لیگ ن آذاد کشمیر کے لئے فتح کی ایک نئی صبح طلوع ہو گی۔

پاکستان تحریک انصاف اور مسلم کانفرنس کے گٹھ جور سے الیکشن کے رزلٹ میں کسی بھی قسم کی تبدیلی رونما نہیں ہو گی فاروق حیدر جیسا بے باک اور با کردارسیاسی رہنما ہی آزاد کشمیر کی باگ دوڑ سنبھال سکتا ہے۔

آزاد کشمیر کی غیور عوام کل بھی فاروق حیدر کے ساتھ تھی اور آج بھی فاروق کے ساتھ ہے۔