Kangana sent

ممبئی……کیا راز ہے،کنگنا راناوت اور ریتک روشن کے بیچ کیا چل رہا تھا، کیا ریتک کی سوزین سے طلاق میں کنگنا کا ہاتھ تھا، ریتک اور کنگنا کبھی ایک دوسرے کے تھے کیا؟
کہانی مزیدار ہے،چٹخارے دار ہے، ٹوئسٹ ہے،سسپینس ہے، کنگنا ہے،رتیک ہے، کائٹ اور کرش تھری کی کہانی جہاں ختم ہوئی، وہیں سے رتیک اور کنگنا کی کہانی شروع ہوئی، رتیک اور کنگنا کے زندگی کے پردے پر چلنے والے کھیل پر پڑا پردہ اٹھ گیا ہے۔رتیک اور کنگنا کبھی محبت کرتے تھے، اس بات کا ذکرکنگنا نے اس وقت کیا جب سب کچھ تھے ہوگیا تھا، کنگنا نے ریتک کو سلی ایکس کہا تو ایکس نے پوچھا وائے!! ریتک نے کنگنا کو نوٹس بھیجا ،کہا مجھے پندرہ سو الٹی سیدھی، بے کار ای میل بھیجنے والی کنگنا معافی مانگے، کنگنا کو ایسی بیماری ہے جس میں وہ سب کچھ خود ہی تصور کرلیتی ہے، میں نے کنگنا کی کسی ایک ای میل کا جواب نہیں دیا۔جس پر کنگنا نے انکار کر دیا، معافی میں نہیں مانگوں گی، کچھ غلط نہیں کیا، ریتک ایک خفیہ آئی ڈی سے میرے ساتھ رابطے میں رہا، کنگنا نے ریتک پر الزام دھرا کہ ریتک نے کنگناکا ای میل ہیک کرکے اپنی بیوی سوزان سے طلاق کے معاملات کے دوران کچھ ای میلز ڈیلیٹ بھی کی ہیں۔کہتے ہیں سوزان اور ریتک کی طلاق کرش تھری کی شوٹنگ کے دوران ہوئی یعنی ادھر سوزان اور ریتک جدا ہورہے تھے، ادھر کنگنا اور ریتک قریب ہورہے تھے۔کنگنا پاگل ہے یا رتیک کی محبت میں دیوانی ہے، کیا سالوں اداکاری کرنے والا ریتک تین سال سے کنگنا کے ساتھ محبت کی اداکاری کررہا تھا، کیا ہے جو ابھی بھی چھپا ہوا ہے، کیا راز ہے؟