Karachi: 3 children killed

کراچی کے علاقے اورنگی میں درندگی کی انتہاء، ایک گھر سے 3 بچوں کی لاشیں برآمد ہوئی ہیں، تینوں بچوں کو گلا گھونٹ کر قتل کیا گیا۔
کراچی: (یس اُردو) اورنگی میں درندگی کی انتہاء کا ایک دلخراش واقعہ دیکھ کر انسانیت لرز اٹھی۔ پولیس کو اورنگی ٹاؤن سے 3 بچوں کی لاشیں ملی ہیں۔ پولیس کا کہنا ہے کہ تینوں بچوں کو گلا گھونٹ کر قتل کیا گیا۔ کراچی پولیس کے مطابق یہ لاشیں ایک گھر سے ملی ہیں، جس کے گراؤنڈ فلور پر بچوں کے والد کا پکوان سنٹر ہے۔ ہلاک ہونے والوں میں دو ننھی بچیاں اور ایک بچہ شامل ہے۔ بچوں کی لاشوں کو پوسٹ مارٹم کیلئے عباسی شہید اسپتال منتقل کر دیا گیا ہے۔ ایس ایس پی ویسٹ کا کہنا ہے کہ تفتیش کر رہے ہیں، جلد ہی بچوں کی موت سے متعلق حقائق سامنے لے آئیں گے۔