Karachi: bank robbery

کراچی کے علاقے کورنگی میں 7 ملزمان اسلحے کے زور پر بینک سے 70 لاکھ روپے لوٹ کر فرار ہو گئے۔ یس اُردو نے بینک ڈکیتی کی سی سی ٹی وی فوٹیج حاصل کر لی۔
کراچی: (یس اُردو) کورنگی نمبر دو میں نجی بینک میں ڈکیتی کی سی سی ٹی وی فوٹیج یس اُردو نے حاصل کرلی۔ سی سی ٹی وی فوٹیج میں 7 مسلح ڈاکوؤں کو بینک میں داخل ہوتے دیکھا جا سکتا ہے۔ ملزمان نے بینک میں داخل ہوتے ہی گارڈز سے اسلحہ چھینا اور بینک کے عملے سمیت اندر موجود شہریوں کو یرغمال بنا لیا۔ ڈکیت گروہ کیش کاونٹر پر موجود 70 لاکھ روپے با آسانی لوٹ کر فرار ہو گیا۔ پولیس نے سیکورٹی گارڈز کو حراست میں لے لیا جبکہ سی سی ٹی وی فوٹیج کی مدد سے ملزمان کی تلاش شروع کر دی گئی ہے۔