کراچی:کورنگی کازوے کے قریب سی ٹی ڈی نے کارروائی کی۔ جس میں 3 دہشتگرد ہلاک ہو گئے۔ ہلاک دہشت گردوں کا تعلق کالعدم جماعت سے تھا۔ لیاری آگراہ تاج میں قانون نافذ کرنے والے ادارے نے کارروائی کر کے دو ملزمان کو گرفتار کر لیا۔ ذرائع کے مطابق گرفتار ملزموں کا تعلق لیاری گینگ وار سے ہے، جن کو تفتیش کیلئے نامعلوم مقام پر منتقل کر دیا گیا ہے۔ ادھر بلوچ کالونی کے علاقے جنیجو ٹاؤن اور دادا بھائی ٹاؤن میں پولیس نے نینشل ایکشن پلان کے تحت سرچ آپریشن کیا۔ تلاشی کے دوران 37 مشتبہ افراد کو حراست میں لے لیا گیا۔ پولیس کے مطابق زیر حراست افراد سے شناختی کوائف طلب کر کے تفتیش کی جارہی ہے۔ صدر کے علاقے پریڈی میں پولیس نے سرچ آپریشن کر کے 16 مشتبہ افراد کو حراست میں لے لیا۔ پولیس کے مطابق زیر حراست افراد سے تفتیش کی جارہی ہے۔