Karachi: Fruit of the effort in of drug

کراچی میں حساس ادارے اور پولیس نے ناردرن بائی پاس پر کارروائی کرتے ہوئے پھلوں کی آڑ میں منشیات اسمگلنگ کی کوشش ناکام بنا دی اور ٹرک سے پینتالیس من منشیات برآمد کر کے دو ملزموں کو گرفتار کر لیا۔
کراچی: (یس اُردو) حساس ادارے اور پولیس نے خفیہ اطلاع پر ناردرن بائی پاس پر کارروائی کی۔ کارروائی میں کوئٹہ سے کراچی آنے والے ٹرک کی تلاشی لی گئی تو سیب کی بوریوں کے ساتھ ساتھ منشیات کی بڑی کھیپ بھی پکڑی گئی۔ پولیس حکام کا کہنا ہے کہ کروڑوں روپوں کی منشیات کوئٹہ سے کراچی منتقل کی جا رہی تھیں، گرفتار ملزمان کو کراچی سبزی منڈی میں منشیات پہنچانے کا ٹاسک ملا تھا۔گرفتار ملزمان امجد اللہ اور حیات اللہ نے دوران تفتیش انکشاف کیا ہے کہ انہیں کراچی میں عبد الصمد نامی دہشت گرد کو منشیات کی کھیپ پہنچانی تھی جس کی گرفتاری کیلئے چھاپوں کا سلسلہ جاری ہے۔