Karachi: IN 7 days 47 people infected with dengue
کراچی میں ڈینگی وائرس سے مزید 47افراد متاثر ہوگئے۔ ڈینگی پریوینشن اینڈ کنٹرول پروگرام سندھ کی جاری کردہ رپورٹ کے مطابق گزشتہ ہفتےشہر کے مختلف اسپتالوں کی او پی ڈیز میں6ایسے مریضوں کو لایا گیا جو ڈینگی سے متاثر تھے جبکہ41 مریضوں کو ڈینگی کی شکایت پر مختلف اسپتالوں میں داخل کیا گیا ۔
رپورٹ کے مطابق رواں سال اب تک صوبے میں ڈینگی سے 3ہلاکتیں ہوئی ہیں اور2099کیسزرپورٹ ہوئے جن میں سے 1711کیسز کراچی کےہیں ۔
ذرائع کے مطابق شہرکے بیشترنجی و سرکاری اسپتال ڈینگی پروگرام کو اعدادوشمار فراہم نہیں کرتے جس سے درست اعداد وشمار سامنے نہیں آپاتے ۔
ذرائع کے مطابق رواں سال شہر میں ڈینگی کے مریضوں کی تعداد4ہزارسے تجاوز کر چکی ہےجبکہ ڈینگی سے 4 ہلاکتیں بھی ہو چکی ہیں ۔واضح رہے کہ گزشتہ سال صوبے میں ڈینگی کے 3676کیسز سامنے آئے تھے اور ڈینگی سے 11ہلاکتیں بھی ہوئی تھیں۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
