کراچی :کراچی میں کانگو وائرس کے وار جاری ہیں ۔ کانگو وائرس سے متاثرہ ایک اور شخص دم توڑ گیا ۔ کراچی کے علاقے ماڈل کالونی کا رہائشی محمد ناصر کانگو وائرس میں مبتلا ہو کر ڈاؤ یونیورسٹی ہسپتال اجھا کیمپس میں زیرعلاج تھا ۔ مریض کا نجی لیبارٹری سے ٹیسٹ کرایا گیا تھا جہاں اس میں کانگو وائرس کی تصدیق ہوئی جہاں وہ جاں بحق ہو گیا ۔ ناصر کی ہلاکت کے بعد رواں سال اب تک کانگو سے ہلاکتوں کی تعداد 9 ہو گئی ہے جب کہ رواں برس کراچی کے مختلف سرکاری و نجی ہسپتالوں میں کانگو سے متاثرہ 70 مریض لائے گئے تھے جو صحت مند ہونے کے بعد ہسپتال سے فارغ کر دئیے گئے ۔