Karachi: Pakistan Peoples Party rally traffic plan for Sun

کراچی ٹریفک پولیس نے اتوار کو پیپلز پارٹی کی سلام شہداء ریلی کے موقع پر ٹریفک پلان جاری کردیا ہے ۔

پیپلز پارٹی کی 16 اکتوبر کو سلام شہداء ریلی بلاول ہاؤس، بوٹ بیسن مائی کلاچی ،آئی سی آئی چوک، ککری گراونڈ ،لی مارکیٹ ، نیپئر روڈ، ڈینسوہال، ایم اے جناح روڈ ، نمائش ، شارع قائدین سے ہوتی ہوئی کارساز پہنچے گی، اس دوران کلفٹن ،ڈیفنس سے ایئر پورٹ جانے والے ہینو چونگی ، انڈسٹریل ایریا ،شاہ فیصل کا راستہ استعمال کریں ۔

شارع فیصل سے ایئر پورٹ جانے والے ایف ٹی سی برج سے کورنگی کا راستہ استعمال کریں ۔گلشن اقبال سے کلفٹن جانے والے شہید ملت روڈ ، ہینو چورنگی کا روٹ اختیار کریں جبکہ ایئرپورٹَ سے صد رجانے والے ڈرگ روڈ ، راشد منہاس روڈ ، اسٹیڈیم روڈ ، پیپلز چورنگی کا راستہ استعمال کریں ۔

ایئر پورٹ سےکلفٹن اور ڈیفنس جانے والے شاہ فیصل کالونی ، کورنگی انڈسٹریل ایریا کا راستہ استعمال کریں، ناظم آباد سے ایئر پورٹ جانے والے نیپا ، ڈرگ روڈ کا راستہ اختیا رکریں ۔

ضیاء الدین اسپتال جانے والے سی ویو اور چائنا چورنگی کا راستہ استعمال کریں ،سائوتھ سٹی اسپتال جانے والے بحریہ انڈر پاس کا راستہ استعمال کریں جبکہ کلفٹن اور ڈیفنس سے جناح اسپتال جانےو الے چوہدری خلیق الزماں روڈ ، للی برج، اسکول روڈ استعمال کریں ۔

لانڈھی کورنگی سے جناح استپال جانے والے کورنگی روڈ، سی ایس ڈی کا راستہ استعمال کریں ۔