Karachi police arrest

کراچی کے مختلف علاقوں میں پولیس نے کارروائی کر کے 2 افغانیوں سمیت 5 ملزموں کو گرفتار کر کے اسلحہ برآمد کر لیا۔
کراچی: (یس اُردو) فرئیر میں انوسٹی گیشن پولیس نے کارروائی کر کے 2 مطلوب ملزموں کو گرفتار کر لیا۔ پولیس کے مطابق گرفتار ملزمان متعدد مقدمات میں ملوث ہیں۔ محمود آباد میں پولیس نے کارروائی کر کے ایک ملزم کو گرفتار کر لیا۔ ایس ایس پی ساؤتھ ڈاکٹر فاروق کے مطابق گرفتار ملزم 12 اسٹریٹ کرائم کی وارداتوں کا اعتراف کر چکا ہے۔ گرفتار ملزم سے اسلحہ بھی برآمد ہوا ہے۔ دوسری جانب سرجانی ٹاؤن میں پولیس نے کارروائی کر کے 2 افغانی باشندوں کو گرفتار کر لیا۔ پولیس کا کہنا ہے کہ گرفتار ملزمان غیر قانونی طور پر پاکستان میں مقیم تھے۔