Karachi: Rangers

اورنگی ٹائون میں کارروائی کے دوران پاکستان بازار سے سٹریٹ کرائم میں ملوث تین ملزموں کو حراست میں لے لیا گیا
کراچی (یس اُردو) کراچی کے مختلف علاقوں میں رینجرز اور پولیس کی کارروائیوں میں ایک ملزم ہلاک ہو گیا جبکہ 4 کو گرفتار کرلیا گیا جن کا تعلق سیاسی جماعت اور لیاری گینگ وار سے ہے ۔ کورنگی نمبر چار میں رینجرزنے کارروائی کرکے ایک ملزم گرفتار کرلیا ، ملزم کا تعلق سیاسی جماعت سے ہے جسے تفتیش کیلئے نامعلوم مقام پر منتقل کر دیا گیا ہے ۔ بلدیہ اتحاد ٹاؤن میں پولیس مقابلے کے دوران ایک ملزم کو زخمی حالت میں گرفتار کرلیا گیا جو ہسپتال میں دم توڑ گیا ۔ لیاری گینگ وار کے بہادر پی این ٹی گروپ کا رکن سہیل جرائم کی وارداتوں میں ملوث تھا ۔ اورنگی ٹائون پاکستان بازار میں پولیس نے کارروائی کرکے سٹریٹ کرائم میں ملوث 3 ملزموں کو گرفتار کرکے اسلحہ برآمد کرلیا ۔