شوگر ملز کی جانب سے چینی کی سپلائی بہتر ہونے پر کراچی ہول سیل بازار میں فی کلو چینی دو روز میں دو روپے سستی ہوکر 48 روپے پر آگئی۔ بازار میں چینی 54 روپے فی کلو تک فروخت ہو رہی ہے۔

کراچی جوڑیا بازار ہول سیل ڈیلرز کا کہنا ہے کہ شوگر ملز کی جانب سے سپلائی بہتر ہونے پر چینی کی سو کلو بوری دو روز میں دو سو روپے کمی سے چار ہزار آٹھ سو روپے پر آگئی ہے۔ کراچی گروسرز ایسوسی ایشن جنرل سیکریٹری فرید قریشی کا کہنا ہے کہ بازار میں چینی 54 روپے فی کلو تک فروخت ہورہی ہے ۔ نئی قیمت پر سپلائی آنے کے بعد بازار میں چینی 52 روپے فی کلو تک ہوجانے کا امکان ہے۔