Karachi search

گلشن اقبال ، مبینہ ٹائون میں پولیس نے گھر گھر تلاشی لی ، سٹریٹ کریمنلز سمیت 4 مفرور ملزموں کو بھی دھر لیا گیا
کراچی (یس اُردو ) کراچی کے مختلف علاقوں سے پولیس نے 8 ملزموں اور 25 مشتبہ افراد کو حراست میں لے لیا ، سرجانی ٹاؤن سے 2 افغان باشندے بھی پکڑے گئے ۔ کراچی کے علاقے گلشن اقبال مبینہ ٹاؤن میں پولیس نے جرائم پیشہ افراد کے خلاف کریک ڈائون کیا ، گھر گھر تلاشی لی گئی اور 4 مفرور ملزمان سمیت 25 مشتبہ افراد کو حراست میں لیا گیا ، کلفٹن بوٹ بیسن میں پولیس نے تین سٹریٹ کریمنلز کو دھر لیا ۔ ملزمان سٹریٹ کرائم کی متعدد وارداتوں میں ملوث ہیں ، فرئیر میں انوسٹی گیشن پولیس نے 2 مطلوب ملزموں کو گرفتار کرلیا ۔ پولیس کے مطابق گرفتار ملزمان متعدد مقدمات میں ملوث ہیں ، محمود آباد سے پولیس نے ایک ملزم کو گرفتار کرلیا ، ایس ایس پی ساؤتھ کے مطابق گرفتار ملزم 12 سٹریٹ کرائم کی وارداتوں کا اعتراف کرچکا ہے ، اس سے اسلحہ بھی برآمد ہوا ہے ۔ دوسری جانب سرجانی ٹاؤن سے پولیس نے 2 افغانی باشندوں کو گرفتار کرلیا ۔ پولیس کا کہنا ہے کہ گرفتار ملزمان غیر قانونی طور پر پاکستان میں مقیم تھے ۔