tower, mobile company franchise

کراچی……کراچی کے مصروف کاروباری مقام میری ویدر ٹاور کے قریب 5 ملزمان نے موبائل فون کمپنی کی فرنچائز میں دن دہاڑے لوٹ مار کی اور فرار ہوگئے۔
شہر کے قدیم اور مصروف ترین کاروباری علاقے کھارادر میں ٹاور چوک پر گذشتہ روز ڈکیتی کی واردات ہوئی تھی۔ پولیس کے مطابق حسن علی سینٹر میں قائم موبائل فون فرنچائز کے مینیجر عاکف کی مدعیت میں کھارادر تھانے میں ایف آئی آر درج کرلی گئی ہے۔فرنچائز میں لگے چار سی سی ٹی وی کیمروں کی فوٹیج کی مدد سے پولیس ملزمان کو تلاش کر رہی ہے۔ یہ فوٹیج جیو نیوز نے حاصل کی ہے۔ فوٹیج میں چانچ ملزمان دفتر میں کر سیکورٹی گارڈز اور دیگر ملازمین کو یرغمال بناتے ہوئے دیکھے گئے ہیں جو لوٹ مار کرکے باآسانی فرار ہوگئے۔ پولیس کے مطابق فرنچائز سے ڈھائی لاکھ روپے نقد، 18 ہزار سے زائد کے کالنگ کارڈز اور دیگر سامان لوٹا گیا۔ پولیس نے ملزمان کی تلاش شروع کردی ہے