کراچی میں پولیس نے کارروائیاں کرکے ٹارگٹ کلر سمیت 2 ملزمان کو گرفتار کرلیا جبکہ فائرنگ کے واقعات میں 2افراد ہلاک اور ایک زخمی ہوگیا۔
Karachi: Two people were killed in different incidents
منگھوپیر میں مری گوٹھ میں فائرنگ سے رحیم بگٹی نامی شخص ہلاک ہوگیا،واقعہ ذاتی دشمنی کا نتیجہ ہے۔ ریسکیو ذرائع کے مطابق بنارس کے قریب فائرنگ سے 30سالہ عمران زخمی ہوگیا۔ واقعہ ڈکیتی کے دوران مزاحمت پر پیش آیا۔ ملیر بکرا پیڑی میں جھگڑے کے دوران چھریوں کے وار سے 40 سالہ ہاشم ہلاک ہوگیا۔
ایس پی اورنگی ٹائون عابد علی بلوچ کے مطابق طوری بنگش خلیل مارکیٹ کے قریب کارروائی کے دوران سیاسی جماعت کے ٹارگٹ کلر احسن عرف سونو کو گرفتار کرلیا، ملزم کے خلاف تھانہ اورنگی میں قتل کی ایف آئی آر درج ہے۔ ملزم لسانی فساد کے دوران کئی معصوم افراد کو قتل اور زخمی کرنے میں بھی ملوث ہے،ملزم سے قتل کی وارداتوں میں استعمال ہونے والا اسلحہ بھی برآمد ہوا ہے۔ پیر آبادمیں پولیس نے کارروائی کرکے ایک ملزم کو گرفتار کرلیا۔ملزم کامران عرف کامی سے اسلحہ ، موبائل فون اور موٹر سائیکل برآمد کی گئی ہے۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
