Kayani chaired

اجلاس میں عسکری اور سیاسی قیادت بھی شریک ہو گی ، آرمی چیف کو کراچی میں جاری آپریشن کے بارے میں بریفنگ دی جائے گی
کراچی (یس اُردو ) آرمی چیف جنرل راحیل شریف کی زیر صدارت اہم اجلاس کور ہیڈ کواٹر کراچی میں طلب کرلیا گیا ۔ اجلاس میں عسکری اور سیاسی قیادت بھی شریک ہو گی ۔ آرمی چیف جنرل راحیل شریف آج شام کور ہیڈ کوارٹر میں اہم اجلاس کی صدارت کریں گے ۔ اجلاس میں ڈی جی ایم آئی ، ڈی جی آئی ایس آئی ، ڈی ملٹری آپریشن ، قومی سلامتی کے مشیر لیفٹننٹ جنرل ریٹائرڈ ناصر جنجوعہ ، وفاقی وزیر داخلہ چوہدری نثار ، وزیر اعلیٰ سندھ سید قائم علی شاہ ، گورنر سندھ ڈاکٹر عشرت العباد خان بھی شرکت کریں گے اجلاس میں ڈی جی رینجرز میجر جنرل بلال اکبر کراچی میں جاری آپریشن سے متعلق تفصیلی بریفنگ دیں گے جس میں چیف جسٹس سندھ ہائیکورٹ کے بیٹے اویس شاہ کے اغوا اور معروف بین الااقوامی قوال امجد صابری کے قتل سے متعلق بھی شرکا کو آگاہ کریں گے ۔ اجلاس میں کراچی میں جاری آپریشن سے متعلق اہم فیصلے بھی متوقع ہے اور قوی امکان ہے کہ کراچی آپریشن میں ایک بار پھر مزید تیزی لائی جائے گی