شاہد خاقان عباسی محبت وطن اورشریف النفس راہنما ہیں ان کی گرفتاری مسلم لیگ کو دیوار سے لگانے کی سازش کا حصہ ہے، خان یوسف

پیرس؍اسلام آباد( ایس ایم حسنین) پاکستان مسلم لیگ ن فرانس کے جنرل سیکرٹری خان محمد یوسف نے سابق وزیراعظم شاہد خاقان عباسی کی گرفتاری پر شدید تنقید کرتے ہوئے کہا ہے کہ یہ ایک بزدلانہ اقدام ہے۔ سابق وزیراعظم شاہد خاقان عباسی جیسا شریف النفس اور محب وطن انسان آج تک نہیں دیکھا۔

وزیراعظم شاہد خاقان عباسی ملک کے سب سے بڑے ٹیکس دہندہ ہونے کے ساتھ ساتھ بطور وزیراعظم پاکستان کے انتہائی سادہ سربراہ مملکت کے طور پر ایک ریکارڈ بنا چکے ہیں جسے سلیکٹڈ وزیراعظم اپنی سادگی مہم کے باوجود توڑ نہیں سکے۔ ان جیسی سادگی اور اینٹی پروٹوکول شخصیت پاکستانی سیاست میں آج تک نہیں دیکھی۔ ان کی گرفتاری سے حکومت کی سازش بے نقاب ہوچکی ہے۔ سلیکٹڈ حکومت سب سے بڑی پاکستانی سیاسی پارٹی کو دیوار سے لگا کر اپنی بدترین پرفارمنس سے توجہ ہٹانا چاہتی ہے جس میں وہ ناکام رہیگی