Kharian City protests

کھاریاں(نیئر صدیقی سے) ممتاز قادری کی پھانسی کے خلاف کھاریاں شہر میں زبردست احتجاج ، مشتعل طلباء اور عوام نے جی ٹی روڈ بلاک کر دی۔ سنی علماء کونسل کی اپیل پر کئے جانے والے احتجاجی مظاہرہ سے خطاب کرتے ہوئے علامہ قاری اختر حسین جلالی، مفتی محمود احمد، مسعود احمد غازی، سید زین العابدین شاہ، مولانا عبدالغفور نقشبندی، قاری لہراسب علی سیالوی ، قاری عبدالغفور جلالی اور دیگر رہنماؤں نے کہا کہ ممتاز قادری کو پھانسی دے کر حکومت نے نبی کریم ﷺ سے غداری کا ثبوت دیا ہے۔غازی علم الدین شہید کو پھانسی دینے والی انگریز حکومت اور نواز حکومت میں کوئی فرق نہیں ۔مظاہرے کے شرکاء مکمل طور پر پرامن رہے اور تھوڑی دیر نعرے بازی کرنے کے بعد درودوسلام پڑھ کر منتشر ہو گئے۔اس موقع پر ڈی ایس پی کھاریاں ملک منظور احمد کی قیادت میں پولیس کی بھاری نفری تعینات رہی