Sindh Assembly
کراچی (جیوڈیسک) وزیردفاع خواجہ آصف کے خلاف قرارداد پیش کرنے کی اجازت نہ ملنے پر ایم کیو ایم اراکین نے سندھ اسمبلی کے اجلاس سے واک آؤٹ کیا۔
وزیر دفاع خواجہ آصف کے خلاف ہجرت کر کے آنے والوں کو ’جعلی مہاجر‘ کہنے پر ایم کیو ایم کے رکن محمد حسین نے خواجہ آصف کے خلاف قرارداد پیش کرنے کی اجازت مانگی تو اسپیکر سندھ اسمبلی نے یہ کہہ کر انکار کردیا کہ بجٹ سیشن پر بلائے گئے اجلاس میں قانون کے مطابق کسی اور ایجنڈے پر بات نہیں ہو سکتی جس پر ایم کیو ایم کے اراکان الطاف حسین کے حق میں نعرے لگاتے ہوئے ایوان سے واک آؤٹ کرگئے۔
واضح رہے کہ وزیر دفاع خواجہ آصف کی جانب سے چند روز قبل جالندھر اور لدھیانہ کے علاوہ دیگر علاقوں سے ہجرت کر کے آنے والوں کو ’جعلی مہاجر‘ کہا گیا تھا۔
