Kidnapped baby from hospital of Karachi recovered

کراچی : کراچی کے ہسپتالوں سے بچے اغوا ہونے کا سلسلہ تھم نہ سکا ، قطر ہسپتال اورنگی ٹاون سےاغوا ہونے والے ایک دن کے نومولود کو پولیس نے بازیاب کرا لیا ، کالی وردی والوں نے ایسا ایکشن کیا کہ اغوا کار خاتون سمیت مزید دو افراد کو بھی دھر لیا۔ بدھ کو پیدا ہونے والے بچے کو گزشتہ روز خاتون ہسپتال سے لیکر فرار ہو گئی تھی ، ہسپتال میں زیر علاج والدہ کا کہنا ہے کہ خاتون نے چائے میں بیہوشی کی دوا ملائی ، قطر ہسپتال کے ایم ایس کے مطابق انکے عملے نے خاتون کو پہلے بھی ہسپتال میں دیکھا ہے۔ پولیس نے سی سی ٹی وی فوٹیج اور دادی کی نشاندہی پر اغوا کار مسرت کو گرفتار کیا ، تفتیش کی تو پتہ چلا ملزمہ نے نازیہ اور اسکے شوہر کو بچہ بیچ دیا ، پولیس نے افغان بستی کے علاقے سے دونوں کو گرفتار کر لیا۔